ຂ່າວກະສິກຳ

 

 

ການຜະລິດເຂົ້າປີນີ້ ຄາດວ່າຈະບັນລຸຄາດໝາຍ 3,6 ລ້ານໂຕນ
ວັນທີ 09 ຕຸລາ 2012 – ເວລາ 10:18:45 ສົ່ງຂ່າວນີ້ໃຫ້ເພື່ອນ ພິມຂ່າວນີ້

Divider

 

ທ່ານ ວິ­ໄລ​ວັນ ພົມ​ເຂ ລັດ­ຖະ­ມົນ­ຕີ​ວ່າ­ການ ກະ­ຊວງ​ກະ­ສິ­ກຳ-ປ່າ­ໄມ້ ໄດ້​ໃຫ້​ສຳ­ພາດ​ຕໍ່​ສື່​ມວນ​ຊົນ ໃນ​ວັນ​ທີ 8 ຕຸ­ລາ 2012 ນີ້ ໄດ້​ຮູ້​ວ່າ: ເພື່ອ​ເຮັດ​ໃຫ້​ໂຄງ­ການ​ບູ​ລິ​ມະ​ສິດ​ຂອງ​ລັດ­ຖະ­ບານ​ຕໍ່​ກັບ​ການ​ຜະ­ລິດ​ ສະ­ບຽງ​ອາ­ຫານ ບັນ­ລຸ​ຕາມ​ລະ­ດັບ​ຄາດ­ໝາຍ 3,6 ລ້ານ​ໂຕນ​ເຂົ້າ­ເປືອກ ໃນ​ສົກ​ປີ 2012 ໄດ້​ນັ້ນ.

ໃນ​ສົກ​ປີ 2011-2012ຂະ­ແໜງ​ກະ­ສິ­ກຳ-ປ່າ­ໄມ້ ກໍ​ໄດ້​ເອົາ­ໃຈ­ໃສ່​ສຸມ​ໃສ່​ຈັດ​ຕັ້ງ​ປະ­ຕິ­ບັດ​ການ​ຜະ­ລິດ​ທັງ​ລະ­ດູ­ແລ້ງ ແລະ ລະ­ດູ­ຝົນ​ຢ່າງ​ເປັນ​ຂະ​ບວນ​ຟົດ­ຟື້ນ ເຖິງ​ວ່າ­ການ​ຜະ­ລິດ​ລະ­ດູ­ແລ້ງ​ຜ່ານ​ມາ ຈະ​ບໍ່​ໄດ້​ຕາມ​ລະ­ດັບ​ຄາດ­ໝາຍ​ຫຼຸດ​ໜ້ອຍ​ໜຶ່ງ ເນື່ອງ​ຈາກ​ໃນ​ລະ­ດູ­ຝົນ​ຂອງ​ປີ 2011 ຜ່ານ​ມາ​ນັ້ນ ໄດ້​ເກີດ​ມີ​ພາ­ຍຸ​ນົກ​ເຕັນ ແລະ ພາ­ຍຸ​ໄຮ​ມາ ຕໍ່​ມາ​ລັດ­ຖະ­ບານ​ກໍ​ໄດ້​ອະ­ນຸ­ມັດ​ງົບ­ປະ­ມານ​ໃຫ້​ກະ­ຊວງ​ກະ­ສິ­ກຳ- ປ່າ­ໄມ້ ກໍ​ໄດ້​ລົງ​ໄປ​ພັດ­ທະ­ນາ​ພື້ນ­ຖານ​ໂຄງ​ລ່າງ​ຈຳ­ນວນ​ໜຶ່ງ ເພື່ອ​ສືບ­ຕໍ່​ສຸມ​ໃສ່​ການ​ຜະ­ລິດ​ລະ­ດູ­ຝົນ ໂດຍ​ໄດ້​ສຸມ​ໃສ່​ຕົວ​ເລກ​ຄາດ­ໝາຍ ເນື້ອ­ທີ່​ທີ່​ລັດ­ຖະ­ບານ​ມອບ​ໃຫ້ 710.000 ເຮັກ­ຕາ ແລະ ຜ່ານ​ການ­ຈັດ­ຕັ້ງ​ປະ­ຕິ­ບັດ​ຂອງ​ຊາວ​ກະ­ສິ­ກອນ​ແຕ່​ລະ​ທ້ອງ­ຖິ່ນ ສາ­ມາດ​ປັກ​ດຳ​ໄດ້ 100% ແລະ ມີ​ບາງ​ທ້ອງ­ຖິ່ນ ແຂວງ ສາ­ມາດ​ປະ­ຕິ­ບັດ​ໄດ້​ລື່ນ​ແຜນ­ການ ມາ​ຮອດ​ປັດ­ຈຸ­ບັນ​ນີ້ ເນື້ອ­ທີ່​ປັກ​ດຳ​ດັ່ງ­ກ່າວ ບາງ​ພື້ນ​ທີ່​ກໍ​ໄດ້​ເລີ່ມ​ເກັບ​ກູ້​ຜົນ​ຜະ­ລິດ ນອກ​ນີ້​ຍັງ​ໄດ້​ສຸມ​ໃສ່​ປຸກ­ລະ­ດົມ​ໃຫ້​ຊາວ​ກະ­ສິ­ກອນ​ນຳ​ໃຊ້​ແນວ​ພັນ​ ເຂົ້າ​ປັບ­ປຸງ​ໃຫ້​ກວ້າງ­ຂວາງ ເພື່ອ​ເຮັດ​ໃຫ້​ຜະ­ລິດ​ຕະ​ພາບ​ຂອງ​ເຂົ້າ​ເພີ່ມ​ຂຶ້ນ ຫັນ​ພະ­ນັກ­ງານ​ວິ­ຊາ​ການ​ລົງ​ໄປ​ນຳ­ພາ​ຊາວ​ກະ­ສິ­ກອນ​ຜູ້​ປະ­ກອບ​ການ ເຮັດ​ແນວ­ໃດ​ໃຫ້​ບັນ­ດາ​ຜູ້​ປະ­ກອບ​ການ​ຕ່າງໆ ໄດ້​ນຳ​ໃຊ້​ເຕັກ­ນິກ​ວິ­ທະ­ຍາ­ສາດ​ເຂົ້າ​ໃນ​ການ​ຜະ­ລິດ​ກະ­ສິ­ກຳ​ໃຫ້​ຫຼາຍ​ ຂຶ້ນ ໄດ້​ປັບ­ປຸງ​ສູນ​ຄົ້ນ­ຄວ້າ ແລະ ຂະ­ຫຍາຍ​ແນວ​ພັນ​ຂັ້ນ​ແຂວງ ແລະ ສະ­ຖາ­ນີ​ເຕັກ­ນິກ​ວິ­ຊາ​ການ ເພື່ອ​ຖ່າຍ​ທອດ​ວິ­ທີ​ທຳ​ມາ​ຫາ​ກິນ​ໃຫ້​ຊາວ​ໄຮ່ ຊາວ​ສວນ​ເພີ່ມ​ຂຶ້ນ ຈາກ​ຂະ​ບວນ​ການ​ດັ່ງ­ກ່າວ ມາ​ຮອດ​ດຽວ­ນີ້ ອາດ​ເວົ້າ​ໄດ້​ວ່າ ຜ່ານ​ການ​ກວດ­ກາ ແລະ ລາຍ​ງານ​ໃນ​ເບື້ອງ​ຕົ້ນ​ຂອງ​ພະ​ແນກ​ກະ­ສິ­ກ-ປ່າ­ໄມ້​ທົ່ວ​ປະ­ເທດ​ເຫັນ​ວ່າ ການ​ຜະ­ລິດ​ກະ­ສິ­ກຳ​ມີ​ບັນ­ຍາ­ກາດ ແລະ ມີ​ບາດ­ກ້າວ​ດີ​ຂຶ້ນ ຖ້າ­ວ່າ​ແຕ່​ນີ້​ຫາ​ເດືອນ​ພະ­ຈິກ 2012 ບໍ່​ມີ​ພາ­ຍຸ ແລະ ໄພ­ພິ­ບັດ​ອັນ​ໃດ​ອັນ​ໜຶ່ງ ມາ​ກະ­ທົບ​ໃສ່​ຜົນ​ຜະ­ລິດ​ລະ­ດູ­ຝົນ​ປີ​ນີ້ ຄິດ​ວ່າ​ຄາດ­ໝາຍ​ຂອງ​ລັດ­ຖະ­ບານ​ຜົນ​ຜະ­ລິດ 3,6 ລ້ານ​ໂຕນ​ນັ້ນ ຈະ​ບັນ­ລຸ​ເປົ້າ​ໝາຍ​ຢ່າງ​ແນ່­ນອນ.

ທ່ານ ວິ­ໄລ​ວັນ ພົມ​ເຂ ຍັງ​ກ່າວ​ຕື່ມ​ວ່າ: ນອກ­ຈາກ​ຂະ​ບວນ​ການ​ຜະ­ລິດ​ເຂົ້າ​ແລ້ວ ຂະ​ບວນ​ການ​ຜະ­ລິດ​ກະ­ສິ­ກຳ​ເປັນ​ສິນ­ຄ້າ​ກໍ​ມີ​ແນວ​ໂນ້ມ​ໄປ​ໄດ້​ດີ ເປັນ­ຕົ້ນ ການ​ປູກ​ສາ­ລີ ໂດຍ​ສະ­ເພາະ​ສາ­ລີ​ແຂງ ເປັນ​ສິນ­ຄ້າ​ສົ່ງ​ອອກ​ໄປ​ຍັງ​ປະ­ເທດ​ຈີນ ບັນ­ລຸ 1 ແສນ​ກວ່າ​ເຮັກ­ຕາ ການ​ລົງ­ທຶນ​ປູກ​ອ້ອຍ ມີ 4 ບໍ­ລິ­ສັດ​ຕ່າງ­ປະ­ເທດ​ທີ່​ເຂົ້າ​ມາ​ສົ່ງ­ເສີມ ຄື: ຢູ່​ແຂວງ​ສະ­ຫວັນ​ນະ​ເຂດ 2 ບໍ­ລິ­ສັດ ນັກ​ລົງ­ທຶນ​ໄທ ແລະ ແຂວງ​ອັດ​ຕະ​ປື 1 ບໍ­ລິ­ສັດ ແລະ ສາ­ລະ​ວັນ 1 ບໍ­ລິ­ສັດ ເປັນ​ນັກ​ລົງ­ທຶນ ສ.ສ ຫວຽດ­ນາມ ນອກ​ນີ້ ຂະ​ບວນ​ການ​ປູກ​ຢາງ­ພາ­ລາ​ເປັນ​ສິນ­ຄ້າ ແລະ ອື່ນໆ ກໍ​ເປັນ​ຂະ​ບວນ​ຟົດ­ຟື້ນ​ຢ່າງ​ກວ້າງ­ຂວາງ​ເຊັ່ນ​ດຽວ​ກັນ ທັງ​ໝົດ​ນີ້​ແມ່ນ​ເປັນ​ທ່າ­ແຮງ​ໃນ​ການ​ຊຸກ­ຍູ້​ສົ່ງ­ເສີມ​ເຮັດ​ໃຫ້​ ເສດ­ຖະ­ກິດ​ມີ​ການ​ຂະ­ຫຍາຍ­ຕົວ​ຢ່າງ​ຕໍ່​ເນື່ອງ ສາ­ມາດ​ບັນ­ລຸ​ຄາດ­ໝາຍ​ຈຸດ​ສຸມ​ຂອງ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ 5 ປີ ຄັ້ງ​ທີ 7 ກໍ​ຄື​ມະ­ຕິ​ກອງ​ປະ­ຊຸມ​ໃຫຍ່ ຄັ້ງ​ທີ 9 ຂອງ​ພັກ​ເຮົາ​ວາງ​ໄວ້ ໃນ​ການ​ນຳ­ພາ​ປະ­ຊາ­ຊົນ​ໃຫ້​ຫຼຸດ​ພົ້ນ​ອອກ​ຈາກ​ຄວາມ­ທຸກ​ຍາກ​ເທື່ອ​ລະ​ກ້າວ.

ใส่ความเห็น

Fill in your details below or click an icon to log in:

WordPress.com Logo

You are commenting using your WordPress.com account. Log Out / เปลี่ยนแปลง )

Twitter picture

You are commenting using your Twitter account. Log Out / เปลี่ยนแปลง )

Facebook photo

You are commenting using your Facebook account. Log Out / เปลี่ยนแปลง )

Google+ photo

You are commenting using your Google+ account. Log Out / เปลี่ยนแปลง )

Connecting to %s

Touktick Mangvanthana

class 4/2 noon, FNEM 0203/09

Phonepaserth

A topnotch WordPress.com site

ທ. ສີປະເສີດ ເຮືອງວິໄລ

Department of commerce, Class 4/2 Noon, FNEM 1172/09

The WordPress.com Blog

The latest news on WordPress.com and the WordPress community.

%d bloggers like this: