ຂ່າວກິລາ

ນັກ​ເຕະ​ເຍົາ­ວະ​ຊົນ​ທີມ​ຊາດ​ລາວ ຮຸ່ນ​ອາ­ຍຸ​ບໍ່​ເກີນ 22 ປີ ຫຼື ຢູ-22 ສະ­ແດງ​ຄວາມ​ສາ­ມາດ​ຍິງ​ປະ­ຕູ​ອອກ​ນຳ​ທີມ​ຊາດ​ໄທ ໄປ​ກ່ອນ​ໃນ​ເຄິ່ງ​ເວ­ລາ​ທຳ​ອິດ ແຕ່​ສຸດ​ທ້າຍ​ຖືກ (ເຈົ້າ­ພາບ) ໄທ ຍິງ​ແຊງ​ກັບ​ມາ​ບຽດ ຊະ­ນະ 2-1 ເຕະ­ບານ​ມິດ­ຕະ­ພາບ ເພື່ອ​ກຽມ​ຄວາມ​ພ້ອມ​ເຂົ້າ​ຮ່ວມ​ການ​ແຂ່ງ­ຂັນ​ເຕະ­ບານ​ຊີງ​ແຊັມ​ອາ​ຊຽນ 2012 ຫຼື AFF Suzuki Cup 2012 ຮອບ​ຄັດ​ເລືອກ​ທີ່​ປະ­ເທດ​ມຽນ​ມາ.

ຄວາມ​ເຄື່ອນ​ໄຫວ​ຂອງ​ນັກ​ເຕະ​ເຍົາ­ວະ​ຊົນ​ທີມ​ຊາດ​ລາວ ຮຸ່ນ​ອາ­ຍຸ​ບໍ່​ເກີນ 22 ປີ ໃນ​ການ​ກຽມ​ຄວາມ​ພ້ອມ​ເຂົ້າ​ຮ່ວມ​ການ​ແຂ່ງ­ຂັນ​ເຕະ­ບານ ເອ​ເອ​ຟ​ເອ​ຟ ຊູ​ຊູ​ກິ ຄັບ 2012 ຮອບ​ຄັດ​ເລືອກ​ທີ່​ປະ­ເທດ​ມຽນ​ມາ ໃນ​ຕົ້ນ​ເດືອນ​ພະ­ຈິກ ຫຼ້າ​ສຸດ​ເດີນ­ທາງ​ໄປ​ອຸ່ນ​ເຄື່ອງ​ກັບ​ທີມ​ແຖວ​ໜ້າ​ຂອງ​ອາ​ຊຽນ ຄື: ທີມ​ຊາດ​ໄທ ໃນ​ວັນ​ທີ 12 ກັນ­ຍາ 2012 ຜ່ານ​ມາ ທີ່​ສະ­ໜາມ​ຣາ​ຊະ​ມັງ​ຄາ​ລາ​ກີ­ລາ​ສະ­ຖານ ບາງ­ກອກ ປະ­ເທດ​ໄທ ຊຶ່ງ​ຜົນ​ປະ­ກົດ​ວ່າ: ທີມ​ຊາດ​ລາວ ໄດ້​ປະ­ຕູ​ອອກ​ນຳ­ໄປ​ກ່ອນ ໃນ​ນາ­ທີໆ 10 ຈາກ​ການ​ຍິງ​ຂອງ ໂສ­ພາ ໄຊ­ຊະ­ນະ ແນວ­ໃດ​ກໍ​ຕາມ ທີມ​ຊາດ​ໄທ ມາ​ໄດ້​ສອງ​ປະ­ຕູ​ໃນ​ເຄິ່ງ​ເວ­ລາ​ທີ​ສອງ ຈາກ ສຸ­ລະ​ຊາດ ນາ­ທີໆ 70 ແລະ ຈາກ​ການ​ຍິງ​ຈຸດ​ໂທດ​ຂອງ ທິ​ຣາ​ທອນ ໃນ​ນາ­ທີໆ 84 ສ່ວນ​ເວ­ລາ​ທີ່​ເຫຼືອ ທີມ​ຊາດ​ລາວ ພະ­ຍາ­ຍາມ​ເປີດ​ເກມ​ບຸກ​ໃສ່ ແຕ່​ກໍ່​ບໍ່​ສາ­ມາດ​ເຮັດ​ຫຍັງ​ທີມ​ໄທ ໄດ້ ຈົບ 90 ນາ­ທີ ທີມ​ຊາດ​ໄທ ກັບ​ມາ​ພິກ​ແຊງ​ເອົາ​ຊະ­ນະ​ໄປ​ໄດ້ 2-1.

ພາຍ­ຫຼັງ​ຈົບ​ເກມ ທ່ານ ໂກ​ກິ​ຊິ ກິ​ມູ​ຣະ ຄູ​ເຝິກ​ທີມ​ຊາດ​ລາວ ຊາວ​ຍີ່­ປຸ່ນ ໃຫ້​ສຳ­ພາດ​ກັບ​ສື່​ມວນ​ຊົນ​ໄທ ວ່າ: ຮູ້­ສຶກ​ພໍ­ໃຈ​ກັບ​ຜົນ­ງານ​ຂອງ​ລູກ​ທີມ ເມື່ອ​ທຽບ​ກັບ​ການ​ອຸ່ນ​ເຄື່ອງ​ໃນ​ນັດ​ທີ່​ຜ່ານໆ​ມາ ແນວ­ໃດ​ກໍ​ຕາມ​ຕ້ອງ​ຍອມ­ຮັບ​ວ່າ ນັກ​ເຕະ​ພວກ​ເຮົາ​ມີ​ຄວາມ​ອ່ອນ​ລ້າ​ມາ​ຈາກ​ເກມ​ອຸ່ນ​ເຄື່ອງ​ກັບ​ຟີ​ລິບ​ປິນ ເມື່ອ​ສອງ​ວັນ​ກ່ອນ ໂດຍ​ພາບ​ລວມ​ແລ້ວ​ກໍ​ຕ້ອງ​ຂໍ​ບອກ​ວ່າ ໄທ ຍັງ​ເໜືອ​ກ່ວ​າ​ລາວ ເກືອບ​ຈະ​ທຸກ​ດ້ານ.

ສຳ​ລັບ ຢູ-22 ທີມ​ຊາດ​ລາວ ກຽມ​ຄວາມ​ພ້ອມເຂົ້າ​ຮ່ວມການ​ແຂ່ງ​ຂັນ​ເຕະ​ບານ ເອ​ເອ​ຟ​ເອ​ຟ ຊູ​ຊູ​ກິ ຄັບ 2012 ຮອບ​ຄັດ​ເລືອກ ລະ​ຫວ່າງ ວັນ​ທີ 5-13 ພະ​ຈິກ 2012 ທີ່​ນະ​ຄອນ​ຢາງ​ກຸ້ງ ປະ​ເທດ​ມຽນ​ມາ.

ใส่ความเห็น

Fill in your details below or click an icon to log in:

WordPress.com Logo

You are commenting using your WordPress.com account. Log Out / เปลี่ยนแปลง )

Twitter picture

You are commenting using your Twitter account. Log Out / เปลี่ยนแปลง )

Facebook photo

You are commenting using your Facebook account. Log Out / เปลี่ยนแปลง )

Google+ photo

You are commenting using your Google+ account. Log Out / เปลี่ยนแปลง )

Connecting to %s

Touktick Mangvanthana

class 4/2 noon, FNEM 0203/09

Phonepaserth

A topnotch WordPress.com site

ທ. ສີປະເສີດ ເຮືອງວິໄລ

Department of commerce, Class 4/2 Noon, FNEM 1172/09

The WordPress.com Blog

The latest news on WordPress.com and the WordPress community.

%d bloggers like this: