ຂ່າວຕ່າງປະເທດ

 

 

                        ຄະນະລັດຖະບານຍີ່ປຸ່ນລາອອກ
ວັນທີ 01 ຕຸລາ 2012 – ເວລາ 17:45:34 ສົ່ງຂ່າວນີ້ໃຫ້ເພື່ອນ ພິມຂ່າວນີ້

Divider

 ສຳ­ນັກ​ຂ່າວ­ສານ AFP ແລະ ຂ່າວ­ສານ ຊິນ​ຮວາ ຕ່າງ​ກໍ​ໃຫ້​ຮູ້​ວ່າ ຄະ­ນະ​ລັດ­ຖະ­ບານ​ຍີ່­ປຸ່ນ ທັງ​ຄະ­ນະລາ​ອອກ​ຈາກ​ຕຳ­ແຫນ່ງ​ໃນ​ວັນ​ທີ 1 ຕຸ­ລາ​ນີ້, ເປັນ​ການ​ແຈ້ງ​ລ່ວງ​ຫນ້າ​ເຖິງ​ການ​ທີ່​ນາ­ຍົກ­ລັດ­ຖະ­ມົນ­ຕີ​ຍີ່­ປຸ່ນ ໂຢ​ຊີ​ຮີ​ໂກ ໂນ​ດາ ຈະ​ປັບ​ຄະ­ນະ​ລັດ­ຖະ­ບານ ທ່າມ ­ກາງ​ທີ່​ເຂົາ​ພວມ​ຊອກ​ຫາ​ວິ­ທີ​ຜ່ອນ­ຄາຍ​ຄວາມ​ບໍ່​ລົງ​ລອຍ​ກັນ​ບາງ​ບັນ­ຫາ, ພ້ອມ​ກັນ​ນັ້ນ​ກໍ​ເປັນ​ການ​ເພີ່ມ​ຄວາມ​ເຊື່ອ​ຖື​ຕໍ່​ປວງ​ຊົນ.

  ຫົວ­ຫນ້າ​ຫ້ອງ​ວ່າ­ການ​ຄະ­ນະ​ລັດ­ຖະ­ບານ​ຍີ່­ປຸ່ນ ໂອ­ຊາ​ມຸ ຟູ​ຈີ​ມູ​ຣາ ກ່າວ​ຕໍ່​ຜູ້​ສື່​ຂ່າວ​ວ່າ ໃນ​ການ​ປະ­ຊຸມ​ພິ­ເສດ​ຂອງ​ຄະ­ນະ​ລັດ­ຖະ­ ບານ ໃນ​ວັນ​ທີ 1 ຕຸ­ລາ​ນີ້, ນາ­ຍົກ­ລັດ­ຖະ­ມົນ­ຕີ ໂນ​ດາ ໄດ້​ແຈ້ງ​ໃຫ້​ຮູ້​ວ່າ ທ່ານ​ຈະ​ດຳ­ເນີນ​ການ​ປັບ​ຄະ­ນະ​ລັດ­ຖະ­ບານ ແລະ​ວ່າ​ບັນ­ດາ​ລັດ­ຖະ­ມົນ­ຕີ​ໃນ​ຄະ­ນະ​ລັດ­ຖະ­ບານ ໄດ້​ລາ​ອອກ​ທັງ​ຄະ­ນະ​ແລ້ວ.ຂ່າວ​ແຈ້ງ­ວ່າ ນາ­ຍົກ­ລັດ­ຖະ­ມົນ­ຕີ ໂນ​ດາ ໄດ້​ຍອມ­ຮັບ​ໃນ​ຄຳ​ຮ້ອງ​ລາ​ອອກ​ຈາກ​ຕຳ­ແຫນ່ງ ຂອງ​ລັດ­ຖະ­ມົນ­ຕີ​ທຸກໆ​ຄົນ ໃນ​ຄະ­ນະ​ລັດ­ຖະ­ບານ

   
 11 ນະຄອນຂອງຣັດເຊຍ ເປັນເຈົ້າພາບຈັດການແຂ່ງຂັນ World Cup 2018
ວັນທີ 01 ຕຸລາ 2012 – ເວລາ 17:53:27 ສົ່ງຂ່າວນີ້ໃຫ້ເພື່ອນ ພິມຂ່າວນີ້


Divider

ຣັດ​ເຊຍ ໄດ້​ຈັດ​ພິ­ທີ​ປະ­ກາດ​ເອົາ 11 ນະ­ຄອນ ເປັນ​ເຈົ້າ­ພາບ​ຈັດ­ການ​ແຂ່ງ­ຂັນ​ໃນ​ຂອບ​ຂອງ​ຮອບ​ຊີງ ຊະ­ນະ​ເລີດ ບານ­ເຕະ​ໂລກ 2018 ( World Cup 2018).

ເຂົ້າ​ຮ່ວມ​ພິ­ທີ​ປະ­ກາດ​ດັ່ງ­ກ່າວ ຊຶ່ງ​ໄດ້​ຖ່າຍ​ທອດ​ສົດ​ທາງ​ໂທລະ­ພາບ​ນັ້ນ ມີ​ທ່ານ ເຊບ ບລາດ​ເຕີ, ປະ­ທານ​ສະ­ຫະ­ພັນ​ບານ­ ເຕະ​ໂລກ (FIFA); ທ່ານ ເຈ​ຣອມ ວາ​ລ​ເກ, ເລ­ຂາ­ທິ­ການ FIFA; ທ່ານ ວີ​ຕາ​ລີ ມຸດ​ໂກ, ລັດ­ຖະ­ມົນ­ຕີ​ກິ­ລາ​ຣັດ​ເຊຍ ທັງ​ເປັນ​ປະ­ ທານ​ຄະ­ນະ​ຈັດ​ຕັ້ງ World Cup 2018 “ປະ­ເທດ​ຣັດ​ເຊຍ 2018” ແລະ ບຸກ­ຄົນ​ສຳ­ຄັນໆ​ອື່ນໆ​ອີກ​ຫລາຍ​ທ່ານ.

11 ນະ­ຄອນ​ຂອງ​ຣັດ​ເຊຍ ທີ່​ໄດ້​ຮັບ​ສິດ​ເປັນ​ເຈົ້າ­ພາບ​ການ​ແຂ່ງ­ຂັນ World Cup 2018 ປະ­ກອບ​ດ້ວຍ ມົສ​ກູ, ແຊັງ ເປ​ແຕກ​ບວກ, ກາ­ລີ​ນິນ​ກຣາດ, ນິ​ສ​ນີ ນົບ​ໂກ​ຣົດ, ກາ​ຊານ, ຊາ​ມາ​ຣາ, ຊາ​ຣານ​ສກ໌, ໂວນ​ໂກກ​ຣາດ, ໂຣ​ສ​ຕອບ, ໂຊ​ຈີ ແລະ ເອ­ກາ​ເຕຣິນ​ບວກ.

ປະ­ທາ­ນາ­ທິ­ບໍ­ດີ​ຣັດ​ເຊຍ ວາ​ລາ​ດີ​ເມຍ ປູ​ຕິນ ກ່າວ​ຢືນ­ຢັນ​ຜ່ານ​ທາງ​ໂທລະ­ພາບ ຫລັງ​ຈາກ​ພິ­ທີ​ດັ່ງ­ກ່າວ ວ່າ​ອຳ­ນາດ​ການ​ປົກ ­ຄອງ​ຣັດ​ເຊຍ ຈະ​ເຮັດ​ສຸດ​ຄວາມ​ສາ­ມາດ​ຂອງ​ຕົນ ເພື່ອ​ເຮັດ​ໃຫ້­ການ​ຈັດ​ງານ  World Cup 2018 ປະ­ສົບ​ຄວາມ​ສຳ­ເລັດ.

ທາງ​ດ້ານ​ທ່ານ ເຊບ ບລາດ​ເຕີ ເວົ້າ​ວ່າ ຜ່ານ​ການ​ໄປ​ກວດ­ກາ​ເບິ່ງ 13 ນະ­ຄອນ​ໃນ​ຣັດ​ເຊຍ ສະ­ແດງ​ໃຫ້​ເຫັນ​ວ່າ ປະ­ເທດ​ເຈົ້າ­ ພາບ ຣັດ​ເຊຍ ພວມ​ເຮັດ​ສຳ­ເລັດ​ກ່ອນ​ກຳ­ນົດ ສຳ­ລັບ​ວຽກ​ງານ​ການ​ກະ­ກຽມ ໃຫ້​ແກ່​ການ​ແຂ່ງ­ຂັນ​ບານ­ເຕະ​ລະ­ດັບ​ໂລກ ໃນ​ປີ 2018, ພ້ອມ​ທັງ​ເຊື່ອ​ຫມັ້ນ​ວ່າ ຣັດ​ເຊຍ ຈະ​ຈັດ​ຕັ້ງ World Cup 2018 ໄດ້​ຢ່າງ​ສຳ­ເລັດ​ຜົນ.

 

 

    ເກີດການປະທ້ວງໃນຝຣັ່ງ
ວັນທີ 03 ຕຸລາ 2012 – ເວລາ 13:38:06 ສົ່ງຂ່າວນີ້ໃຫ້ເພື່ອນ ພິມຂ່າວນີ້

Divider

ໄປ​ພ້ອມໆ​ກັບ​ກະ­ແສ​ຄື້ນ​ການ​ປະ​ທ້ວງ, ນັດ​ຢຸດ​ງານ ເພື່ອ​ຄັດ­ຄ້ານ​ຕໍ່​ມາດ​ຕະ­ການ “ຮັດ​ສາຍ­ແອວ” ທີ່​ເກີດ​ຂຶ້ນ​ຢູ່​ໃນ​ຫລາຍ​ປະ­ເທດ​ໃນ​ເອີ​ຣົບ ເຊັ່ນ ປອກ​ຕຸຍ​ການ, ເກ​ັຣກ ແລະ ແອ​ັສ​ປາຍ ໃນ​ຊຸມ​ມື້​ທີ່​ຜ່ານ​ມາ​ນັ້ນ, ມາ​ໃນ​ວັນ​ທີ 30 ກັນ­ຍາ​ທີ່​ຜ່ານ​ມາ ກໍ​ໄດ້​ມີ​ຊາວ​ຝຣັ່ງ ຈຳ­ນວນຫລາຍ​ຫມື່ນ​ຄົນ ພາ­ກັນ​ລົງ​ສູ່​ທ້ອງ​ຖະຫນົນ ໃນ​ນະ­ຄອນ­ຫລວງ​ປາ​ຣີ ເພື່ອ​ຄັດ­ຄ້ານ​ຕໍ່​ສົນ­ທິສັນ­ຍາ​ດ້ານ​ການ​ເງິນ​ຂອງ​ສະ­ຫະ­ພາບ​ເອີ​ຣົບ (EU) ທີ່​ບັງ­ຄັບ​ໃຫ້​ບັນ­ດາ​ປະ­ເທດ​ສະ­ມາ­ຊິກ ປະ­ຕິ ບັດ​ມາດ​ຕະ­ການ​ດ້ານ​ການ​ເງິນ​ຢ່າງ​ເຂັ້ມ​ງວດ ເພື່ອ​ຈຳ­ກັດ​ການ​ຂາດ​ດຸນ​ງົບ­ປະ­ມານ.

ການ​ປະ​ທ້ວງ​ດັ່ງ­ກ່າວ ເປັນ​ການ​ເປີດ​ຂະ​ບວນ​ໂດຍ​ຫລາຍ​ອົງ​ການ­ຈັດ­ຕັ້ງ​ກຳ­ມະ­ບານ ແລະ ອົງ­ການ ຝ່າຍ​ຊ້າຍ, ໂດຍ​ມີ​ຜູ້​ເຂົ້າ​ຮ່ວມ​ປະ­ມານ 50.000 ຄົນ, ມີ​ຂຶ້ນ​ສອງ​ມື້­ກ່ອນ​ທີ່​ລັດ ຖະ​ສະ­ພາ​ຝຣັ່ງ ເລີ່ມ​ຕົ້ນ​ການ​ປະ­ຊຸມ ເພື່ອ​ພິ­ຈາ­ລະ­ນາ​ສົນ­ທິ­ສັນ­ຍາ​ດ້ານ​ການ​ເງິນ​ຂອງ​ເອີ​ຣົບ.

ຕາມ​ແຜນ­ການ​ແລ້ວ, ແຕ່​ນີ້​ຮອດ​ທ້າຍ​ເດືອນ​ຕຸ­ລາ, ສອງ​ສະ­ພາ​ໃນ​ລັດ​ຖະ​ສະ­ພາ​ຝຣັ່ງ ຈະ​ຕ້ອງ​ໄດ້​ຮັບ­ຮອງ​ເອົາ​ສົນ­ທິ­ສັນ­ຍາ​ດັ່ງ­ກ່າວ. ບັນ­ດາ​ຜູ້­ນຳ​ຂອງ EU ໄດ້​ຮັບ­ຮອງ​ສົນ­ທິ­ສັນ­ຍາ​ສົນ ສັນ­ຍາ​ນີ້ ເມື່ອ​ເດືອນ​ມີ­ນາ ປີ 2012, ໂດຍ​ໄດ້​ຮຽກ­ຮ້ອງ​ໃຫ້​ປະ­ ເທດ​ຕ່າງໆ ທີ່​ເຂົ້າ​ຮ່ວມ​ລົງ​ນາມ​ໃນ ລັດ​ຖະ​ທຳ​ມະ­ນູນ “ກຳ­ນົດ​ຫລັກ­ການ​ຄຳ” ນັ້ນ​ໃຫ້​ສັນ­ຍາ​ຮັກ­ສາ​ລະ­ດັບ​ຂາດ​ດຸນ ໃນ​ໂຄງ​ສ້າງ​ງົບ ປະ­ມານ ບໍ່​ເກີນ 0,5% ຂອງ​ຍອດ​ຜະ­ລິດ​ຕະ​ພັນ​ພາຍ​ໃນ​ປະ­ເທດ (GDP), ຖື​ວ່າ​ນີ້​ເປັນ​ມາດ​ຕະ ການ​ທີ່​ຈຳ­ເປັນ​ແບບ​ບັງ­ຄັບ ເພື່ອ​ຫລີກ­ເວັ້ນ ແລະ​ແກ້​ໄຂ​ວິ​ກິດ​ການ​ຫນີ້​ສິນ ທີ່​ພວມ​ເປັນ­ຄວາມ​ສ່ຽງ ຕໍ່​ຄວາມ​ຢູ່​ລອດ​ຂອງ​ສະ­ກຸນ​ເງິນ​ຮ່ວມ​ຂອງ​ເອີ​ຣົບ.

ບັນ­ດາ​ຜູ້​ຈັດ​ຕັ້ງ​ການ​ເດີນ​ປະ​ທ້ວງ​ໃນ​ຝຣັ່ງ ເວົ້າ​ວ່າ ເຂົາ­ເຈົ້າ​ເປີດ​ຂະ​ບວນ​ການ​ປະ​ທ້ວງ ເພື່ອ​ຄັດ­ຄ້ານ  ຕໍ່​ນະ­ໂຍ­ບາຍ “ຮັດ​ສາຍ­ ແອວ” ທີ່​ບັງ­ຄັບ​ໃຊ້​ໂດຍ EU, ຫາກ​ບໍ່​ແມ່ນ​ເພື່ອ​ຕຳ​ນິ​ຕິ­ຕຽນ ຕໍ່​ອຳ­ນາດ​ການ​ປົກ­ຄອງ​ຂອງ​ປະ­ທາ­ນາ­ທິ­ບໍ­ດີ ຟຣັງ​ຊວາ ໂອ​ລັງ ແຕ່​ຢ່າງ­ໃດ.

      ກ່ອນ​ຫນ້າ​ນັ້ນ, ເມື່ອ​ວັນ​ທີ 28 ກັນ­ຍາ, ລັດ­ຖະ­ບານ​ຝຣັ່ງ ໄດ້​ປະ­ກາດ​ມາດ​ຕະ­ການ ຂຶ້ນ​ພາ­ສີ ແລະ​ຫລຸດ­ຜ່ອນ​ການ​ໃຊ້​ຈ່າຍ​ຢ່າງ​ແຮງ​ເປັນ​ປະ­ຫວັດ​ການ ໃນ​ງົບ­ປະ­ມານ​ປີ 2013 ເພື່ອ​ທົດ​ແທນ​ໃຫ້​ແກ່​ບ້ວງ​ຂາດ​ດຸນ​ເກືອບ 37 ຕື້ ເອີ​ໂຣ ຢູ່​ໃນ​ຂົງ­ເຂດ​ການ​ເງິນ​ພາກ​ລັດ ທ່າມ­ກາງ ທີ່​ພື້ນ­ຖານ​ເສດ­ຖະ­ກິດ ພວມ​ຊຸດ­ໂຊມ.

      ຕາມ​ແຜນ­ການ​ດັ່ງ­ກ່າວ​ແລ້ວ, ບ້ວງ​ເງິນ​ປະ­ຢັດ 36,9 ຕື້ ເອີ​ໂຣ ດັ່ງ­ກ່າວ ຈະ​ປະ­ກອບ ດ້ວຍ​ການ​ຫລຸດ­ຜ່ອນ​ໃຊ້​ຈ່າຍ​ໃນ​ຂົງ­ ເຂດ​ສາ­ທາ­ລະ­ນະ​ສຸກ 2,5 ຕື້ ເອີ​ໂຣ ແລະ ການ​ໃຊ້​ຈ່າຍ ຢູ່​ໃນ​ບັນ­ດາ​ສຳ­ນັກ­ງານ​ອົງ­ການ​ຂອງ​ລັດ­ຖະ­ບານ 10 ຕື້ ເອີ​ໂຣ. ການ​ຂຶ້ນ​ພາ­ສີ​ສ່ວນ​ບຸກ­ຄົນ ແລະ ວິ​ສາ​ຫະ​ກິດ ຄາດ​ວ່າ​ຈະ​ນຳ​ມາ​ຊຶ່ງ​ລາຍ​ຮັບ 20 ຕື້ ເອີ​ໂຣ ແລະ ເຫລືອ​ອີກ 4,4 ຕື້ ເອີ​ໂຣ ແມ່ນມາ​ຈາກ​ບ້ວງ​ພາ­ສີ​ໃຫມ່ ທີ່​ນຳ​ອອກ​ປະ­ກາດ​ເມື່ອ​ເດືອນ​ກໍ­ລະ­ກົດ​ທີ່​ຜ່ານ​ມາ.

 

 

 

 

 

 

 

 

ใส่ความเห็น

Fill in your details below or click an icon to log in:

WordPress.com Logo

You are commenting using your WordPress.com account. Log Out / เปลี่ยนแปลง )

Twitter picture

You are commenting using your Twitter account. Log Out / เปลี่ยนแปลง )

Facebook photo

You are commenting using your Facebook account. Log Out / เปลี่ยนแปลง )

Google+ photo

You are commenting using your Google+ account. Log Out / เปลี่ยนแปลง )

Connecting to %s

Touktick Mangvanthana

class 4/2 noon, FNEM 0203/09

Phonepaserth

A topnotch WordPress.com site

ທ. ສີປະເສີດ ເຮືອງວິໄລ

Department of commerce, Class 4/2 Noon, FNEM 1172/09

The WordPress.com Blog

The latest news on WordPress.com and the WordPress community.

%d bloggers like this: